Blogg

2feb

Viltu lækka húsnæðiskostnaðinn?

 

Síðustu 12 mánuði hefur fasteignaverð hækkað mjög mikið eða ca 15% á höfuðborgarsvæðinu og allt að 20% á ákveðnum svæðum utan þess.  Nokkir þættir gera þetta að verkum, langvarandi skortur á íbúðum og mun fleiri kaupendur eru um hverja eign, kaupmáttur hefur aukist mikið síðustu árin og vextir hafa lækkað.

Þrátt fyrir að þú sért ekki í söluhugleiðingum þá eru þetta jákvæðar fréttir fyrir þig sem fasteignaeiganda þar sem sjaldan hefur verið betri aðstæður til að endurfjármagna eldri og óhagstæðari íbúðalán en einmitt núna.   Kostnaðurinn við lántöku hefur lækkað gífurlega á síðustu árum, t.d. er búið að fella út stimpilgjöld á nýjum lánum sem voru 1.5% og lántökugjöld eru almennt föst tala í dag á bilinu 50.000-70.000 í staðinn fyrir 1% eins og var áður.

Þetta er auðvitað mismunandi eftir lánastofunum og því mikilvægt að kynna sér lánareglur og lánakjör hvers og eins og bera vel saman þar sem sjaldan hefur verið meiri samkeppni milli lánastofnana sem kemur lántökum vel.

Inn á www.spara.is er hægt að bera saman 2 mismunandi lán og sjá mismuninn á greiðslubyrði, einnig eru flestar lánastofnanir í dag með góðar reiknivélar inn á sínum heimasíðum og því auðvelt að bera saman vexti og greiðslubyrði.

Hvað myndir þú gera við auka 20.000-40.000 kr. á mánuði, þetta er talan sem mjög margir geta lækkað greiðslubyrðina sína með því að endurfjármagna.

Vilt þú frekar spara fyrir fjölskyldufríi, endurnýja bílinn, leggja til hliðar í langtímasparnað eða setja þetta inn á höfuðstólinn og lækkar þannig skuldirnar ennþá hraðar. 

Við hvetjum alla til að skoða lánin sín þar sem þetta er einfaldlega fljótleg og þægileg leið til að hækka ráðstöfunartekjur án þess að vinna meira J

Fyrsta skrefið er að hafa samband við sína lánastofnun og kanna málið, oft dugar fasteignamat eignarinnar sem viðmið fyrir endurfjármögnun en stundum þarf verðmat löggilts fasteignasala, hægt að panta verðmat með því að smella hér, senda okkur email:  [email protected] eða í síma: 519-2600