Unnarbraut 17 - 79.900.000 ISK

hæð - 170 Seltjarnarnes

Lýsing eignar

HÚSASKJÓL KYNNIR:

Unnarbraut 17 fór hratt. Hún seldist á 2 vikum og er í fjármögnunarferli. Mikil eftirspurn er eftir sérhæðum og sérbýlum í 170 og 107. Við erum með 47 kaupendur á skrá sem eru að leita að sambærilegri eign. Margir sem eru að stækka við sig innan hverfis og skoða skipti á stærri.

Ertu í söluhugleiðingum? Smelltu hér til að fá frítt verðmat
Ertu að leita að sambærilegri íbúð? Smelltu hér til að skrá þig á kaupóskalistann okkar


Viltu vita hvað okkar viðskiptavinir hafa að segja: Smelltu hér til að lesa umsagnir viðskiptavina
Viltu vera með puttann á fasteignapúslsinum: Smelltu hér til að skrá þig á fréttabréfið okkar


SMELLTU HÉR TIL AÐ FÁ BÓKA TÍMA Í SÖLUSKOÐUN OG PANTA UPPLÝSINGABÆKLING FYRIR EIGNINA.

Falinn demantur á eftirsóknarverðum stað á Seltjarnarnesi. - Unnarbraut 17, 5 herbergja hæð með sérinngangi og bílskúr.

Þessi fallega og vel skipulagða efri hæð, við Unnarbraut 17, er vel staðsett í rólegu og grónu hverfi á sunnanverðu Seltjarnarnesi. Þaðan er stutt í alla helstu þjónustu, skóla, leikskóla, íþróttasvæði Gróttu og Sundlaug Seltjarnarnes. Útsýnið er einstaklega fagurt á þessu svæði. Seltjarnarnes er eftirsóknarverður staður fyrir fjölskyldur að búa á. Bærinn er rómaður fyrir falleg útivistarsvæði og öfluga grunnþjónustu. Á Nesinu er blómlegt og öflugt starf með börnum og ungmennum, íþróttastarfið er til fyrirmyndar og aðstaðan mjög góð. Verið er að stækka og betrumbæta íþróttamannvirki bæjarins. Einnig er þar góður tónlistarskóli og félagsmiðstöð. Sundlaug bæjarins er í hjarta skólasamfélagsins sem er mikill kostur. Það má segja að Seltjarnarnes sé ein best geymda útivistarparadísin á höfuðborgarsvæðinu. Hjóla- og göngustígar eru allar hringinn á Nesinu og áhersla lögð á að sem flestir geti notið náttúrunnar.

Um er að ræða sex herbergja eign. Gengið er inn á hæðina gegnum sérinngang og komið inn í fallega og bjarta forstofu, hiti í gólfi, flísalagða með hvítum og góðum skápum. Innaf forstofunni er stílhrein gestasnyrting. Aðlaðandi hvít frönsk hurð prýðir innganginn úr forstofunni í híbýlið. Grái liturinn er í forgrunni þar og passar vel með hvítu hurðinni með frönsku gluggunum. Í framhaldinu er komið inn á bjartan og rúmgóðan gang inn í mjög rúmgott og vel skipulagt eldhús. Falleg gólflýsing er á ganginum sem gefur rýminu ákveðinn stíl. Eldhúsið prýða vandaðar viðarinnréttingar sem nýtast vel og í miðju eldhúsinu er stór eyja með granít borðplötu. Vinnslurýmið í eldhúsinu er afar gott og bjart þar sem þrír gluggar eru til staðar. Á gólfi eru svargráar, stílhreinar flísar sem tóna vel við viðarinnréttinguna, granít eyjuna og hvítu veggina. Inn af eldhúsinu er þvottahús með góðri vinnuaðstöð og aðbúnaði. Í þvottahúsi eru flísar á gólfi, vaskur og góður gluggi. Einnig er handklæðaofn í þvottahúsinu og góður skápur.

Stofan er björt og falleg, einstaklega rúmgóð með parketlögðu gólfi og útgengi á suðursvalir með stórkostlegu útsýni sem lætur engan ósnortinn. Svalirnar eru bæði steyptar og flísalagðar. Í stofunni eru stórir og miklir gluggar sem bjóða upp á stórfenglegt sjávarútsýnið allan ársins hring líkt og lifandi málverk. Einnig er snoturt sjónvarpsherbergi á hliðina á stofunni sem hægt er að loka með rennihurð. Sá möguleiki er líka fyrir hendi að vera með tvö herbergi og útgengi á suðursvalir.
Baðherbergið er hvítt og stílhreint, hvítar flísar eru í forgrunni og á baðherberginu er bæði sturtuklefi og baðkar. Hvítar innréttingar eru á veggjum og góður gluggi til staðar. Fallegir speglaskápar eru fyrir ofan handlaugina sem gera mikið fyrir rýmið.
Hæðinni fylgja þrjú herbergi, tvö barnaherbergi og eitt hjónaherbergi. Barnaherbergin tvö eru rúmgóð með vönduðu parketi á gólfi og án skápa. Í herbergjunum mætast hvíti og grái liturinn á veggjunum með góðri útkomu. Hjónaherbergið er stílhreint með útgengi út á svalir. Í hjónaherbergi eru stórir og góðir skápar með rennihurðum frá funkis tímabilinu sem standa fyrir sínu.
Sameiginlegur stór gróinn garður fylgir eigninni sem býður upp á fjölbreyta möguleika alla aldurshópa.
Bílskúr tilheyrir einnig hæðinni, sem nýtist vel og aðbúnaður góður. Stórt og mikið bílaplan er fyrir framan bílskúrinn sem er mikill kostur. Heitt og kalt vatn í er bílskúrnum sem stendur fjær húsinu (vinstra megin)

Búið er að setja upp þjófavarnarkerfi frá Securitas með skynjara við alla innganga og vatnslekaskynjurum sem kaupandi getur yfirtekið.

Þessi eign er til sölu á fasteignasölunni Húsaskjól og er 188,5 fermetra á stærð, þarf af bílskúr sem er 24.9 fm. Húsið var byggt árið 1967 en bílskúrinn var byggður árið 1972. Nánari upplýsingar veitir Ásdís Ósk Valsdóttir, löggiltur fasteignasali í síma: 863-0402 eða email: asdis@husaskjol.is

Húsaskjól fasteignasala - af því að þín fasteign skiptir máli

Ertu í söluhugleiðingum? Smelltu hér til að fá frítt verðmat
Ertu að leita að sambærilegri íbúð? Smelltu hér til að skrá þig á kaupóskalistann okkar

Fylgdu okkur á Instagram
Skoðaðu hvað okkar viðskiptavinir hafa um okkur að segja
Hvað er í gangi á fasteignamarkaðnum? Skráðu þig á Fréttaskot Húsaskjóls


Ertu í fasteignahugleiðingum erlendis? Húsaskjól er meðlimur í Leading Real Estate Companies of the World

Húsaskjól advices potential buyers who do not speak or read icelandic to have a translator present when they view and sign an offer, sales agreement and other documents relating to the purchase of the property.​

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Húsaskjól fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar - fast gjald. Sjá vefsíðu viðkomandi lánastofnanna
4. Umsýslugjald til fasteignasölu skv. kauptilboði

188,5 m2 4 svefnherbergi 2 baðherbergi Bílskúr: já

Eigindi eignar

Tegund hæð
Verð 79.900.000 ISK
Áhvílandi 0 ISK
Fasteignamat 76.950.000 ISK
Brunabótamat 52.700.000 ISK
Stærð 188,5 fermetrar
Herbergi 6
Svefnherbergi 4
Baðherbergi 2
Byggingarár 1967
Lyfta nei
Bílskúr
Garður
Greiðslubyrði* 335.580 ISK
Útborgun** 15.980.000 ISK
Skráð Ekki skráð

* M.v. 80% verðtryggt lán til 35 ára (ath aðeins til viðmiðunar)
** Lágmarks útborgun m.v. að 80% lán sé tekið (ath aðeins til viðmiðunar)