Hvassaleiti 113 - 127.000.000 ISK - 230,7 ferm. - 7 herbergi

raðhús - 103 Reykjavík

Lýsing eignar

HÚSASKJÓL KYNNIR:

SMELLTU HÉR TIL AÐ FÁ BÓKA TÍMA Í SÖLUSKOÐUN OG PANTA UPPLÝSINGABÆKLING FYRIR EIGNINA.

Einstakur gullmoli hannaður af Gunnari Hanssyni í Hvassaleitinu


Einstakur gullmoli og eitt af glæsilegri raðhúsum við Hvassaleitið í Reykjavík er komið í sölu. Húsið er byggt árið 1961, hannað af Gunnari Hanssyni arkitekt sem var djarfur og í senn rómantískur í hönnun sinni. Meðal kunnra bygginga Gunnars í Reykjavík eru Morgunblaðshöllin við Aðalstræti 6, Kirkja Óháða safnaðarins við Háteigsveg, Hlemmur og Kaffibrennsla Ó. Johnsson & Kaaber við Tunguháls. Verk Gunnars bera með sér ákveðinn léttleika og fágun. Gunnar var sagður hafa haft næmt auga fyrir smáatriðum sem gefa verkunum ákveðna dýpt. Sem módernista tókst honum áberandi vel að tengja hús sín við stað og umhverfi, með viðeigandi efnis- og litavali.

Hvassaleiti 113 er einstaklega fallegt endaraðhús með nýlegri yfirbyggingingu . Húsið er á nokkrum pöllum sem á sama tíma tengir rými saman en aðgreinir þau líka skemmtilega. Margir þættir í hönnun hússins gera það einstakt. Eignin þjónar hlutverki sínu fullkomlega vel sem heimili fyrir fjölskyldu. Heimilið heldur vel utan um alla og það er hugsað vel fyrir skipan herbergja og annarra rýma. Innréttingar þjóna bæði fagurfræði en ekki síður á praktískan hátt og má með sanni segja að innanhúshönnunin sé tímalaus. Eignin er prýdd parketlagðri gegnheillri hnotu á gólfunum sem gefur hlýlegan blæ. Hérna er hægt að fá hús þar sem búið er að hugsa fyrir öllu.

Eignin hefur fengið gott viðhald og er í góðu ástandi. Málað var utanhúss árið 2019, nýlegt gler í öllum gluggum nema veltigluggum. Þakið endurnýjað árið 2007 á sama tíma og yfirbyggingin var byggð. Árið 2007 var drenað í kringum húsið og skólplagnir endurnýjaðar. Við endurbætur á húsinu hafa eingöngu komið að arkitektar og fagfólk. Einrúm arkitektar hönnuðu innréttingar og öll hugsun miðar að því að húsið sé í anda og heiðri upphaflegrar hugmyndafræði Gunnars.

Komið er inn í bjarta og rúmgóða flísalagða forstofu með rúmgóðum fataskáp. Hvíti liturinn er í forgrunni á veggjum. Fataherbergi er inn af forstofunni sem var áður salerni og nýtist vel. Huggulegt og kósý sjónvarpshol er til staðar í framhaldinu. Gengið er niður tröppur frá holinu í svefnherbergisálmuna og hins vegar úr holi upp í eldhús og stofur.

Eldhúsið er rúmgott og smekklegt í opnu rými. Eldhúsið prýðir stór og falleg hvít eyja ásamt gaseldavél og veglegum háfi. Eldhús þar sem allir geta verið með og er miðpunktur samveru og góðra máltíða. Eldhúsið er notalegt með góðri vinnuaðstöðu og einstaklega praktískt með fallegum sérsmíðuðum hirslum og hvítri eldhúsinnréttingu sem nær frá gólfi og upp í loft og er með tækjaskáp. Hugguleg loftlýsing er til staðar og notalegur borðkrókur. Glæsilegt rými þar sem er pláss er fyrir þig og fjölskylduna til að njóta notalegra samverustunda og elda góðan mat. Hér slær hjarta heimilisins.

Tvær tröppur liggja upp í rúmgóða, huggulega og bjarta setustofu með sérsmíðari hnotu bókahillu sem er samliggjandi við eldhúsið. Hnotan tónir vel við hvítu tónanna sem eru í forgrunni í eldhúsinu og á veggjum. Samliggjandi setustofunni er borðstofan sem bætt var við með því að yfirbyggja stórar svalir með stórum gluggum er vísa út i garð. Útgengt er úr sólstofunni niður tröppur og niður í garðinn. Milli setustofu og eldhúss er glæsilegur arinn sem prýðir rýmið og hefur mikið notagildi. Hönnunin á yfirbyggðum svölum gerir stemninguna i sólstofunni eins og þú sért staddur utandyra. Það gera fallegir gluggar frá gólfi og upp í loft ásamt stórum þakglugga sem veitir mikla og fallega birtu. Það er einstakt að upplifa norðurljósin og stjörnubjartan himininn úr borðstofunni. Borðstofan er gott dæmi um það sem arkitektarnir gerðu til að gefa rýminu þetta sem Gunnari Hanssyni var svo mikilvægt að tengja saman inni- og útirými.

Þrjú svefnherbergi eru á neðri hæð sem skiptast í hjónaherbergi ásamt tveimur barnaherbergjum. Notagildi herbergjanna er eins og best verður á kosið. Einnig er sér fataherbergi í hjónaherberginu. Frá hjónaherbergi er útgengt í bakgarðinn.

Á herbergjahæðinni er baðherbergi þar sem fagurfræðin og notagildið fer vel saman. Baðherbergið er með flísum á gólfi og sturtu. Til staðar er hugguleg skápainnrétting úr hnotu ásamt stórri handlaug með tveimur blöndunartækjum. Flísalagt gólf og veggir með „walk in“sturtu og innbyggðum blöndunartækjum. Jarðlitirnir eru í aðalhlutverki á baðherberginu og mynda ákveðna spa stemningu sem eykur vellíðan.

Eigninni fylgir stúdíóíbúð með sérinngangi. Í kjallara hefur verið útbúin lítil stúdíóíbúð meðeldhúsaðstöðu og rúmgóðu salerni með góðri sturtu. Sérinngangur er að utan en líka er innan gengt á milli hæða. Því er hægt er að leigja kjallarann ef vilji er fyrir hendi.

Garðurinn er hannaður af landslagsarkitekt og stækkar afnota flöt heimilisins til muna. Hönnunin er falleg og stílhrein og nýtur sín vel við húsið. Hvítir og gráir tónar eru allsráðandi og koma vel út. Gert er ráð fyrir heitum potti og allar lagnir eru til staðar. Innangengt er í bílskúr sem breytt hefur verið í þvottahús með góðri vinnuaðstöðu og hins vegar góðri geymslu fyrir hjól, skíði og annan búnað.

Hvassaleitið tilheyrir Háaleiti og Bústöðum, hverfi sem m.a. státar af metnaðarfullu skólastarfi, íþróttafélögunum og verslunarmiðstöðinni Kringlunni. Eignin er frábærlega staðsett, skjólsælt og gróið hverfi og úti­vist­ar­gildi svæð­is­ins er talsvert. Gott aðgengi að hjóla- og göngustígum og helstu stofnbrautum. Hverfið teng­ist gömlum og rót­grónum hverfum og mjög stutt í alla verslun og þjón­ustu.

Hér er um að ræða einstaka eign sem er vel staðsett og býður uppá fjölbreyta möguleika þar sem hægt er að leika sér með notagildið og fagurfræðina bæði innan og utandyra. Sjón er sögu ríkari.

Eignin er 230,7 fermetrar að stærð auk yfirbyggðar sólstofu sem er u.þ.b 20 fermetrar þannig að nýtilegri fermetrar eru í kringum 250. Húsið er til sölu hjá fasteignasölunni Húsaskjól.
Allar nánari upplýsingar veitir Ásdís Ósk Valsdóttir, löggiltur fasteignasali í email: asdis@husaskjol.is eða í síma: 8630402

Húsaskjól fasteignasala - af því að þín fasteign skiptir máli

Ertu í söluhugleiðingum? Smelltu hér til að fá frítt verðmat
Ertu að leita að sambærilegri íbúð? Smelltu hér til að skrá þig á kaupóskalistann okkar

Fylgdu okkur á Instagram
Skoðaðu hvað okkar viðskiptavinir hafa um Skoðaðu hvað okkar viðskiptavinir hafa um okkur að segja
Hvað er í gangi á fasteignamarkaðnum? Skráðu þig á Fréttaskot Húsaskjóls


Ertu í fasteignahugleiðingum erlendis? Húsaskjól er meðlimur í Leading Real Estate Companies of the World

Húsaskjól advices potential buyers who do not speak or read icelandic to have a translator present when they view and sign an offer, sales agreement and other documents relating to the purchase of the property.​

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Húsaskjól fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar - fast gjald. Sjá vefsíðu viðkomandi lánastofnanna
4. Umsýslugjald til fasteignasölu skv. kauptilboði

230,7 m2 4 svefnherbergi 2 baðherbergi Bílskúr: já

Eigindi eignar

Tegund raðhús
Verð 127.000.000 ISK
Áhvílandi 0 ISK
Fasteignamat 85.500.000 ISK
Brunabótamat 62.850.000 ISK
Stærð 230,7 fermetrar
Herbergi 7
Svefnherbergi 4
Baðherbergi 2
Byggingarár 1961
Lyfta nei
Bílskúr
Garður
Greiðslubyrði* 533.400 ISK
Útborgun** 25.400.000 ISK
Skráð Ekki skráð

* M.v. 80% verðtryggt lán til 35 ára (ath aðeins til viðmiðunar)
** Lágmarks útborgun m.v. að 80% lán sé tekið (ath aðeins til viðmiðunar)