Fréttir

Mest hækkun í Breiðholti

Grein Morgunblaðsins, 12.02.2016:

Íbúðaverð hafði hækkað um 15,9% milli ára í árslok 2015.

Meðalkaupverð seldra fasteigna í fjölbýli í Breiðholtinu, 111 Reykjavík, var 15,9% hærra á fjórða ársfjórðungi 2015 en það var á fjórða ársfjórðungi 2014.

Samkvæmt samantekt Þjóðskrár Íslands, sem gerð var að beiðni Morgunblaðsins, er það hlutfallslega mesta hækkun nafnverðs í sex völdum póstnúmerum í borginni. Meðalkaupverð 100 fermetra íbúðar í fjölbýli í 101 Reykjavík á fjórða ársfjórðungi 2015 var um 414 þúsund kr. á fermetra. Skv. því kostaði hundrað fermetra íbúð í póstnúmerinu að jafnaði 41,4 milljónir.

Samantektin leiðir jafnframt í ljós að meðalkaupverð á íbúðum í fjölbýli í Vesturbænum, 107 Reykjavík, var rúmlega 396 þúsund á fermetra á fjórða ársfjórðungi í fyrra. Hefur meðalkaupverð fasteigna í fjölbýli þar hækkað um 33,5% síðan á fyrsta ársfj. 2013. Er það mesta hækkun nafnverðs í póstnúmerunum sex frá 2013.

 

Smellið hér til að lesa greinina í heild.

 

Smelltu hér til að skrá þig sem kaupanda 
Smelltu hér til að skrá eignina þína á sölu
Sendu okkur póst til að fá nánari upplýsingar eða hringdu í síma: 519-2600