Fréttir

Ódýrar lausnir í byggingartækni

Grein úr Viðskiptablaðinu 08.06.2017

Björn Karlsson, forstjóri Mannvirkastofnunar, segir byggingarkostnað hér á landi lengst af hafa vaxið í takt við vísitöluhækkun á sama tíma og íbúðaverð hefur rokkað upp og niður. Á nýlegu málþingi um hagkvæmar íbúðir sem stofnunin kom að ásamt íbúðalánasjóði og fleiri aðilum voru kynntar ýmsar nýjungar sem von er til að geti lækkað byggingarkostnað töluvert.

,,Íslendingar hafa verið svolítið aftarlega á merinni, og einkennir það svolítið byggingarbransann að tími tækniskipta er mjög langur," segir Björn og nefnir samanburðardæmi.

,,Allt annað gildir til að mynda um farsímann minn, þá datt einhverjum eitthvað snjallræði í hug í Kísildalnum í Kaliforníu fyrir hálfu ári síðan sem nú er komið í símann. Þessi tækniskiptatími er mun sneggri í ýmsum öðrum iðnaði, en hefðir og reynsla hönnuða, byggingarstjóra, iðnmeistara og allra sem að húsbyggingum koma er sterk og það tekur langan tíma fyrir fyrir menn að breyta sínum háttum."

Á málaþinginu kynntu ýmsir aðilar þær lausnir sem þeir höfðu verið að þróa og féllst Björn á að gefa okkur stutt yfirlit yfir það sem þar var kynnt til sögunnar.

,,Nú er mikið verið að tala um aðrar lausnir, og eru margir aðilar farnir að nota mikið af forsmíðuðum og forsteyptum eigningum eins og til dæmis þær sem Loftorka framleiðir í Borgarnesi," nefnir Björn.

,,Einnig erum við með Modulus sem framleiða forsmíðaðar eigningar í verksmiðju sinni í Lettlandi, en þar byrja þeir með hefðmundnum timdurramma, setja svo gifsplötur og einangrun og þannig búa þeir til létta veggi á færibandi, sem eru tilbúnir með rörum fyrir allar lagnir. Síðan eru þessar einingar fluttar tilbúnar hingað til lans.

Svo má nefna Fibra hús, sem er mjög sérstök og séríslensk lausn, en á bak við það stendur bátasmiður sem hefur verið að smíða trefjabáta en er nú farinn að byggja hús úr þessu mjög svo sterka efni. Það var einnig gert í Þýskalandi fyrir um þremur áratugum síðan." Björn vonast til þess að lausnir eins og þessar geti lækkað byggingarkostnað umtalsvert.

Smelltu hér til þess að lesa greinina í heild

Smelltu hér til að skrá þig sem kaupanda 
Smelltu hér til að skrá eignina þína á sölu
Sendu okkur póst til að fá nánari upplýsingar eða hringdu í síma: 519-2600