Fréttir

Íbúðarhúsnæði hækkaði á ný í nóvember

Grein af vb.is 5.12.17

Raunverð íbúðarhúsnæðis á landinu öllu hækkaði í nóvember eftir lækkun í október segir í nýrri mánaðarskýrslu Íbúðalánasjóðs. Vísbendingar eru um að markaðurinn stefni í átt að auknu jafnvægi með auknu framboði af nýju húsnæði og hækkunum fasteignaverðs í takt við kaupmáttaraukningu. 

Síðustu misseri hefur aukning kaupmáttar þó verið minni en hækkun fasteignaverðs. Frá upphafi árs 2016 hefur raunverð fasteigna hækkað um 26% en kaupmáttur launa um 11%. Athygli vekur að fasteignamarkaður utan höfuðborgarsvæðisins tekur við sér. 26% fleiri kaupsamningum hefur verið þinglýst það sem af er ári á Norðurlandi samanborið við sama tíma fyrir ári síðan.

Meiri hækkun á Akureyri en í borginni 

Í október hafði íbúðaverð á Akureyri hækkað um 21% milli ára sem er mesta hækkunin á ársgrundvelli sem orðið hefur þar í bæ frá því um mitt árið 2006. Til samanburðar hafði verð á höfuðborgarsvæðinu hækkaði um 17% í október.

Gögn um leigjendur sem þiggja húsnæðisbætur sýna að í október fengu 14.100 heimili húsnæðisbætur og að í þeim bjuggu samtals rúmlega 26 þúsund manns. 70% heimila sem þiggja húsnæðisbætur eru með lægri heimilistekjur en 400 þúsund krónur á mánuði, og á meðal þessara heimila nema húsnæðisbætur að meðaltali 34% af greiddri leigu.

Í skýrslunni má einnig finna umfjöllun um byggingarmarkaðinn þar sem fram kemur að byggingarvísitala endurspeglar ekki heildarframkvæmdakostnað. Lóðaverð, hönnunarkostnaður og fjármagnskostnaður eru til að mynda undanskilin.

Smelltu hér til þess að lesa greinina í heild

Smelltu hér til að skrá þig sem kaupanda 
Smelltu hér til að skrá eignina þína á sölu
Sendu okkur póst til að fá nánari upplýsingar eða hringdu í síma: 519-2600