Hrauntunga 99 - 104.000.000 ISK

raðhús - 200 Kópavogur

Lýsing eignar

HÚSASKJÓL KYNNIR:

Fallegt Sigvaldahús í Suðurhlíðum Kópavogs, húsið er 212,1 fm og bílskúrinn 27,2, heildarstærð hússins er 239.3. Húsið var algjörlega endurnýjað 2014, nema 2 útihurðar og bílskúrshurðin, algjörlega tekið inn að beini: Allar lagnir, gluggar og gler, þakið, gólfefni, innréttingar, húsið endureinangrað og múrað að innan, bílaplan tekið upp og settur hiti í plan.

EIGNIN ER Í ÚTLEIGU TIL 31.08.2023 MEÐ ÓUPPSEGJANLEGUM LEIGUSAMNINGI OG ÞVÍ ÞARF KAUPANDI AÐ YFIRTAKA LEIGUSAMNINGINN SEM ER VIÐ MJÖG TRAUSTAN AÐILA.

Smelltu hér til að sjá eignamyndband
Kynntu þér meira um hverfið
Smelltu hér til að sjá staðsetninguna á eigninni


Í Suðurhlíðum Kópavogs við Hrauntungu 99 stendur þetta fallega Sigvaldahús, tveggja hæða endaraðhús í funkís stíl í grónu hverfi. Sigvaldi Thordarson teiknaði húsið og skín stíllinn hans í gegn. Eignin stendur efst uppi í botnlanga. Útsýnið frá húsinu er skemmtilegt og nær yfir Garðholt og Keili sem ljúft er að njóta. Garðurinn sem prýðir húsið er fallegur og gróinn.

Eignin var öll tekin í gegn árið 2014 og vandað var til verka. Á neðri hæð eignarinnar er forstofa, tvö svefnherbergi ásamt baðherbergi og þvottahúsi. Forstofan er björt og flísalögð með stórum, sérsmíðum skápum. Allar innréttingar eignarinnar eru sérsmíðaðar og vandaðar. Bæði svefnherbergin á neðri hæðinni eru parketlögð með eikarparketi og með sérsmíðum fataskápum úr eik. Annað svefnherbergið er mjög stórt og rýmið þar býður upp á fjölbreytta möguleika. Baðherbergið er hlýlegt með fallegum jarðlituðum flísum og öll blöndunartæki eru frá Tengi. Í þvottahúsi er fín vinnuaðstaða og nýju innréttingarnar nýtast vel. Gengið er upp steyptan parketlagðan stiga á aðra hæð eignarinnar. Ný og falleg handrið prýða stigann sem eru sérsmíðað frá Samverk. Glerið í handriðinu kemur vel út og tónar vel við innréttingar eignarinnar.

Á annarri hæð eru eldhús og samliggjandi stofa í opnu og björtu rými. Eldhúsið er rúmgott og er draumaeldhús fyrir þá sem hafa gaman að því að sýsla í eldhúsinu. Eldhúsið er í hjarta eignarinnar og eru vandaðar innréttingar til staðar, hvítar og með efri skápum úr eik. Eldhúsið er l-laga með eyju í miðju rýminu. Borðplöturnar eru frá Granítsteinum í svargráum lit með hreyfingu og öll blöndunartæki frá Tengi. Eldhúsið og stofan mynda skemmtilega heild á efri hæðinni og er útsýnið nær til allra átta. Stórir gluggar bjóða upp á fallegt útsýni í stofu og eldhúsi sem er í raun eins og lifandi málverk, enda síbreytilegt eftir árstíðum og veðri. Útgengi er út á rúmgóðar og viðarlagðar svalir í stofu með fallegu útsýni sem fangar augað. Eikarparket prýðir gólfið. Einnig eru tvö herbergi ásamt baðherbergi á efri hæðinni. Herbergin eru rúmgóð, með djúpum og góðum skápum. Vandað parket á gólfum, sem gefur þeim hlýlegan blæ. Baðherbergið er mjög stórt og rýmið nýtist mjög vel og lýsingin góð. Á baðherberginu er bæði sturta og baðkar.

Eigninni fylgir jafnframt vel útbúinn bílskúr og gott, upphitað bílaplan.

Einstök veðursæld og fjölbreytt afþreying í nánd
Í nánd við hverfið eru mjög öflugir þjónustukjarnar meðal annars Smáratorg og Smáralind svo eitthvað sé nefnt ásamt þróttmiklu atvinnulífi. Jafnframt er stutt í Hamraborgina þar sem einnig er góður þjónustukjarni, kaffi- og veitingahús ásamt bakaríi og blómabúð svo fátt sé nefnt. Öflugt menningarlíf er í Kópavogi og er slær hjarta menningarlífsins við hliðina á Hamraborginni. Skólar fyrir öll skólastigin eru á svæðinu, leik, grunn og menntaskóli eru í göngufæri sem er mikill kostur fyrir ungar fjölskyldur. Einstök veðursæld er í Suðurhlíðum Kópavogs, stutt í fallegar gönguleiðir, skóla og alla helstu þjónustu. Kópavogsbær býður upp á fjölmargt og fjölbreytilegt frístundastarf fyrir alla aldurshópa. Íþróttasvæði Breiðabliks liggur næst hverfinu.

Allar nánari upplýsingar veitir Ásdís Ósk Valsdóttir löggiltur fasteignasali í email: asdis@husaskjol.is eða í síma: 863-0402


Húsaskjól advices potential buyers who do not speak or read icelandic to have a translator present when they view and sign an offer, sales agreement and other documents relating to the purchase of the property.​

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Húsaskjól/Garún fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.000 af hverju skjali.
3. Lántökugjald lánastofnunar - almennt 0,5 - 1,0% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði


Húsaskjól fasteignasala- af því að þín fasteign skiptir máli

Ertu í söluhugleiðingum? Pantaðu frítt sölumat og skoðaðu kaupendaskrána okkar.
Ertu í eignaleit? Skráðu þig á kaupendalistann okkar.


Kíktu á Húsaskjól á facebook.
Kíktu á heimasíðu Húsaskjóls.

239,3 m2 4 svefnherbergi 2 baðherbergi Bílskúr: já

Eigindi eignar

Tegund raðhús
Verð 104.000.000 ISK
Áhvílandi 0 ISK
Fasteignamat 76.650.000 ISK
Brunabótamat 64.150.000 ISK
Stærð 239,3 fermetrar
Herbergi 8
Svefnherbergi 4
Baðherbergi 2
Byggingarár 1966
Lyfta nei
Bílskúr
Greiðslubyrði* 436.800 ISK
Útborgun** 20.800.000 ISK
Skráð Ekki skráð

* M.v. 80% verðtryggt lán til 35 ára (ath aðeins til viðmiðunar)
** Lágmarks útborgun m.v. að 80% lán sé tekið (ath aðeins til viðmiðunar)