Voru fleiri sem krulluðust inn í sig þegar Peningastefnudeild Seðlabankans tilkynnti enn eina hækkunina á stýrivöxtum 19.ágúst 2026.
Rökin sem þeir komu með voru að þeir teldu að verðbólga myndi aukast enn frekar á næstu mánuðum og hækkanir lituðust helst af hækkun opinberra gjalda sem og áhrifum stríðsátaka í Mið-Austurlöndum.
Hvað í andskotanum eru þeir að hugsa?
Ef hið opinbera er að hækka gjöldin og einhver nöttari er að reka stríð þá finnst Seðlabankanum eðlilegt að hækka stýrivexti til að tryggja nægjanlegt peningalegt aðhald. Peningalegt aðhald á hvern? Mun hið opinbera hætta að hækka álögur. Munu þeir semja frið í Mið-Austurlöndum af því að Seðlabanki Íslands ákvað að hækka stýrivexti. Þetta er eins og að vera fastur í þætti af LittleBritain: “No, the computer says no....”. Allir nema Seðlabankinn sjá ruglið og ég velti því fyrir mér hvenær sjá þeir ljósið.
Þegar 10% af fyrirtækjum landsins eru gjaldþrota. Þegar barnafjölskyldur þurfa að velja á milli tómstunda eða að borga af húsnæðisláninu. Þann 4.ágúst 2026 spáði Greiningardeild Landsbankans hækkun á stýrivöxtum og taldi að eftirfarandi þættir hefðu mest áhrif til að viðhalda hárri verðbólgu næstu mánuði, „Hækkandi heimsmarkaðsverð á olíu, hærri flugfargjöld, hækkanir á skólagjöldum Háskóla Íslands og hækkun á komugjöldum í heilsugæslu.“
10.ágúst 2026 er viðtal á Rúv við Höllu Gunnarsdóttur formanns VR sem segir að Kjarasamningum verði sagt upp nema stjórnvöld og atvinnurekendur axli ábyrgð og grípi til aðgerða.
Þann 15.ágúst 2026 er grein í viðskiptablaðinu frá Jóni Sigurðssyni forstjóra Stoða þar sem hann telur sjónarhorn Seðlabankans vera of þröngt og væntingastjórnun ekki til fyrirmyndar þar sem stýrivextir geti verið öflugt tæki til að draga úr eftirspurn í hagkerfinu en þeir hafa hinsvegar engin áhrif á gjaldskrárhækkanir hins opinbera, hækkun flugfargjalda eða þróun hrávöruverðs á heimsmarkaði.
Á visir.is 17.ágúst 2026 segir Már Wolfgang Mixa hagfræðingur að raunstýrivextir hafi ekki verið hærri síðan rétt fyrir bankahrun og telur “galið” að eltast við 2,5% verðbólgumarkmið Seðlabankans.
Þetta er ekkert flókið, það virðast allir sjá þetta nema fólkið í fílabeinsturni Seðlabankans og eina sem þeir kunna er að vera með undirliggjandi hótanir. Hvað er planið? Halda áfram að hækka stýrivexti þar til þeir semja frið í Mið-Austurlöndum? Djöfulsins rugl.
Ertu með spurningar varðandi fasteignamarkaðinn sendu mér línu á eða skilaboð á samfélagsmiðlunum.
.jpg)
863 0402 eða
